Futbol üzrə UEFA Çempionlar Liqasında 2024/2025-ci illər mövsümünün pley-off mərhələsində üz-üzə gələcək cütlüklər dəqiqləşib.
Arena.az xəbər verir ki, bu, 3-cü təsnifat mərhələsinin cavab qarşılaşmalarının yekununda müəyyənləşib.
Azərbaycan çempionu “Qarabağ” pley-offda Xorvatiya çempionu “Dinamo” (Zaqreb) ilə üz-üzə gələcək. İlk oyun Zaqrebdə, ikinci oyun isə Bakıda təşkil olunacaq.
Türkiyə çempionu “Qalatasaray”ı pley-offda İsveçrənin “Yanq Boyz” komandası ilə görüşlər gözləyir. İlk oyun İsveçrədə, cavab görüşü Türkiyədə olacaq.
Qeyd edək ki, əsas mərhələyə Çempionlar yolundan 5, Liqa yolundan 2 vəsiqənin sahibi müəyyənləşəcək.
UEFA Çempionlar Liqasında pley-off mərhələsinin ilk oyunları avqustun 20-21-də, cavab görüşləri ayın 27-28-də keçiriləcək.
UEFA Çempionlar Liqası
Pley-off mərhələsi
Çempionlar yolu
“Yanq Boyz” (İsveçrə) – “Qalatasaray” (Türkiyə)
“Dinamo” (Zaqreb, Xorvatiya) – “Qarabağ” (Azərbaycan)
“Midtyulland” (Danimarka) – “Slovan” (Slovakiya)
“Bodo Qlimt” (Norveç) – “Srvena Zvezda” (Serbiya)
“Malmö” (İsveç) – “Sparta” (Praqa, Çexiya)
Liqa yolu
“Lill” (Fransa) – “Slaviya” (Praqa, Çexiya)
“Dinamo” (Kiyev, Ukrayna) – “Zalsburq” (Avstriya)
