Bu gün keçirilmiş oyunla Azərbaycan Basketbol Liqasında (ABL) 2026/2027-ci illər mövsümünün 6-cı turuna start verilib.
Arena.az xəbər verir ki, turun ilk günündə yalnız bir qarşılaşma baş tutub.
Bakıdakı Milli Gimnastika Arenasında “Ordu” və “Sabah” komandaları üz-üzə gəliblər. Gərgin mübarizə şəraitində keçən oyunda “Sabah” 93:81 hesablı qələbə qazanıb. Görüşün hissələri 14:20, 25:29, 16:29, 26:15 hesabları ilə yekunlaşıb.
Qalib komandanın heyətində Frenki Fidler xüsusi fəallıq göstərib. O, 28 xal toplayaraq matçın ən məhsuldar basketbolçusu olub.
Bu qələbədən sonra “Sabah” 5 oyundan 4 qələbə ilə 9 xal toplayıb və ABL-in turnir cədvəlində ikinci pilləyə yüksəlib. “Ordu” isə 5 matçdan sonra 7 xalla üçüncü sıradadır.
6-cı turun digər oyunları noyabrın 7-də və 8-də keçiriləcək:
7 noyabr
15:00. “Neftçi” – NTD
Bakı, Milli Gimnastika Arenası.
8 noyabr
14:00. “Gəncə” – “Sumqayıt”
Gəncə İdman Sarayı.
15:00. “Naxçıvan” – “Landau Lions”
Bakı, Milli Gimnastika Arenası.
