Şimali Makedoniyada təlim-məşq toplanışında olan 17 yaşadək futbolçulardan ibarət Azərbaycan millisi burada iki yoxlama oyunu keçirib.
Arena.az xəbər verir ki, paytaxt Skopyedə məskunlaşan komandamız ikinci hazırlıq matçına bu gün çıxıb. Rəqib Şimali Makedoniyanın U-17 komandası olub. Üç qolun qeydə alındığı oyunda millimiz qələbə qazanıb – 2:1. Yığmamızın qollarını oyunun 89-cu və 90+3-cü dəqiqələrində fərqlənən Röyal Fərzullazadə vurub.
Xatırladaq ki, bu komandalar arasında aprelin 18-də keçirilmiş ilk oyun da futbolçularımızın qələbəsi ilə yekunlaşmışdı – 1:0. Komandamızın yeganə qolunu 35-ci dəqiqədə Həsən Nəzərli vurmuşdu.
Yığmamızın Skopye toplanışı aprelin 21-nə qədər nəzərdə tutulub. Komandamızın üzvləri toplanışı başa vurduqdan sonra Bakıya dönəcək.
17 yaşadək futbolçulardan ibarət Azərbaycan millisi Şimali Makedoniyaya 21 futbolçu ilə yollanmışdı. Baş məşqçi Füzuli Məmmədov Skopyeyə bu oyunçuları aparmışdı:
1. Ayxan Abbaszadə – Turan Tovuz
2. Həbib Hüşənov – Qəbələ
3. Firudin Kişiyev – EFA
4. Əhməd Tarverdiyev – Sabah
5. Səmid Əhmədov – Qəbələ
6. Vüsal Paşayev – Sumqayıt
7. Nadir Orucov – Sumqayıt
8. Rəşad Alışov – Sabah
9. Ramin Əvəzov – Sabah
10. Ömər Kərimov – Qəbələ
11. Elnur Cabbarlı – Sumqayıt
12. Babamirzə Mehdiyev – Sabah
13. Anar Hüseynov – Sabah
14. Ziya Şəkərxanov – Qəbələ
15. Sadiq Məmmədli – Neftçi
16. Amin Muradov – Neftçi
17. Həsən Nəzərli – Ankaragücü (Türkiyə)
18. Hikmət Cəbrayılzadə – Qarabağ
19. İslam İsmayilzadə – Səbail
20. Röyal Fərzullazadə – Neftçi
21. Ümid Səlimov – Şamaxı
