Çimərlik futbolu üzrə Azərbaycan millisi İtaliyanın Alqero şəhərində təşkil olunmuş Avropa Super Finalında növbəti oyununa çıxıb.
Arena.az xəbər verir ki, millimiz beşinci oyununda Yunanıstan yığması ilə qarşılaşıb.
15-12-ci yerlər uğrunda baş tutan oyunda yığmamız 6:3 hesabı ilə qalib gəlib. Millimizin heyətində Ramil Əliyev het-trik edibsə, Amid Nəzərov dubla imza atıb. Daha bir qolu Orxan Məmmədov rəqib qapısından keçirib.
Xatırladaq ki, millimiz qrup mərhələsində Türkiyəni məğlub etsə (5:5, penaltilər 3:1) də, Rumıniyaya 2:4, İsveçrəyə 7:8 hesabıyla uduzmuşdu. 15-12-ci yerlər uğrunda baş tutan ilk oyunda isə komandamız Fransaya 3:9 hesabıyla məğlub olmuşdu.
Azərbaycan millisinin baş məşqçisi Zeynal Zeynalov komandaya 12 oyunçu cəlb edib.
Qapıçılar: Elçin Qasımov, Vaqif Şirinbəyov;
Oyunçular: Amid Nəzərov, Elşad Manafov, Orxan Məmmədov, Sabir Allahquliyev, Comərd Baxşəliyev, Hüseyn Axundov, Ramil Əliyev, Kamran Qürbətov, İsa Zeynallı, Tural Qurbətov.
Çimərlik futbolu üzrə Avropa Super Finalı sentyabrın 25-nə qədər davam edəcək. Azərbaycan millisi turnirdə növbəti oyununu sabah 15-12-ci yerlər uğrunda üz-üzə gələcəyi Moldova yığmasına qarşı keçirəcək. Qarşılaşma Bakı vaxtı ilə saat 12:15-də başlayacaq.
