Almaniyanın “Bavariya” klubunun müdafiəçisi Alfonso Devis zədələnib. Arena.az xəbər verir ki, 20 yaşlı vinger komandanın hazırlıq prosesi zamanı sıradan çıxıb.
Bu barədə Münhen təmsilçisinin rəsmi saytı məlumat yayıb. Artıq Münhenə dönən futbolçunun sol ayaq biləyinin oynaq bağının qopması diaqnozu qoyulub. Qanalı yarımmüdafiəçinin azı bir ay yaşıl meydanlardan uzaq qalacağı diqqətə çatdırılıb.
Alfonso Devis 2018-ci ildən “Bavariya”nın uğurları üçün çalışır. Kanada yığmasının da üzvü olan futbolçu, Münhen klubunun əsas komandasında indiyə qədər 84 rəsmi matça çıxıb, 5 qola imza atıb.