Futbol üzrə Niderland millisinin və İspaniya çempionu “Barselona”nın yarımmüdafiəçisi Frenki de Yonq fərdi məşqlərə başlayıb.
Arena.az xəbər verir ki, 29 yaşlı futbolçu artıq topla fərdi məşqlər keçirir.
Niderlandlı yarımmüdafiəçi məşq yüklərinin tədricən artırılmasının öhdəsindən uğurla gəlir və bərpa prosesində müsbət dinamika nümayiş etdirir. Reabilitasiya plan üzrə davam edərsə, de Yonqun 2-3 həftə ərzində “Barselona”nın ümumi məşq qrupuna qoşulacağı gözlənilir.
Qeyd edək ki, futbolçu 2026-cı il dünya çempionatında Niderland millisinin heyətində çıxış edərkən sağ dizinin medial kollateral bağının qopması ilə nəticələnən ağır zədə alıb. Bu səbəbdən o, yeni klub mövsümünün başlanğıcını tamamilə buraxmalı olub.
Frenki De Yonq 2019-cu ilin yayından “Barselona”da çıxış edir. Onun Kataloniya klubu ilə hazırkı müqaviləsi 2029-cu ilin iyununun sonuna qədər qüvvədədir.
Uzunmüddətli zədədən sonra “Transfermarkt” niderlandlı futbolçunun bazar dəyərini yeniləyib. Hazırda de Yonqun qiyməti 35 milyon avro olaraq göstərilir.
Yarımmüdafiəçinin sıraya qayıtması “Barselona”nın məşqçilər korpusu üçün əhəmiyyətli amil ola bilər. Kataloniya klubu 21 xalla La Liqanın turnir cədvəlinə vahid liderlik edir.
“Barselona” növbəti oyununu milli komandaların fasiləsindən sonra keçirəcək. Komanda oktyabrın 18-də La Liqanın 9-cu turunda səfərdə “Betis”lə qarşılaşacaq.
