İtaliya və Fransa hökumətləri klubların Super Liqaya qoşulmasına əngəl olacaq qanun yaratmaq üçün səfərbər olmağa hazırlaşırlar.
Arena.az bu barədə BBC-yə istinadən məlumat verir.
Həmçinin bildirilir ki, İngiltərədə futbol tənzimləyicisi, hər hansı klubun müvafiq layihəyə aldanacağı halda, qanuni səlahiyyətlərlə dəstəklənmiş, nəhəng klubların qol-qanadını budamaq istəyinin bir hissəsidir.
Xatırladaq ki, dekabrın 21-də Avropa Məhkəməsi FIFA və UEFA-nın 2021-ci ildə Super Liqanın yaradılmasını qadağan edən fəaliyyətlərini qanunsuz kimi tanıyıb. Hazırda Super Liqanın iştirakçıları siyahısında yalnız bu fikrin çılğın təşəbbüskarı “Real” və qüvvətli dəstəkçisi “Barselona” var.
Vurğulayaq ki, ilk günün sonuna qədər Avropanın böyük futbol beşliyinin milli çempionatlarından 17 klub UEFA-ya dəstək verərək, açıq şəkildə Avropa Super Liqasında iştirakdan imtina edib. Yalnız “Napoli” bu Super Liqa fikrini dəstəkləyib. İtaliya klubu, keçiriləcəyi halda turnirdə iştiraka hazır olduğunu bildirib.
