Bu gün futbol üzrə Avropa Konfrans Liqasında 2024/2025-ci illər mövsümünə 1-ci təsnifat mərhələsinin 2 oyunu ilə start verilib.
Arena.az xəbər verir ki, yeni mövsümün ilk qarşılaşmaları Bosniya və Herseqovina ilə Latviyada baş tutub.
Bosniya təmsilçisi “Velej” öz meydanında Andorra klubu “Eskaldes”lə heç-heçəyə razı olub. Latviyanı təmsil edən “Auda” isə Farer adalarının “B36 Torshavn” komandasına 2:0 hesabı ilə qalib gəlib.
Mərhələnin ilk oyunlarına sabah yekun vurulacaq.
Qeyd edək ki, Konfrans Liqasında 1-ci təsnifat mərhələsinin cavab oyunları iyulun 18-də keçiriləcək. Azərbaycan təmsilçiləri ilk mərhələdən azaddırlar. Təmsilçilərimiz “Sabah”la “Sumqayıt” bu turnirə 2-ci təsnifat mərhələsindən qoşulacaqlar.
Konfrans Liqası
1-ci təsnifat mərhələsinin ilk oyunları
10 iyul
“Velej” (Bosniya və Herseqovina) – “Eskaldes” (Andorra) 1:1
“Auda” (Latviya) – “B36 Torshavn” 2:0
