“Milan” klubun səhmlərinin transferi ilə bağlı maliyyə razılaşmasına görə avrokuboklardan kənarlaşdırılma təhlükəsi ilə üz-üzədir.
Arena.az bu barədə “La Gazzetta dello Sport” nəşrinə istinadən məlumat verir.
Mənbənin məlumatına görə, “rossoneri” 2022-ci ildə baş tutmuş, klubun mülkiyyətçiliyinin dəyişdirilməsi ilə bağlı müqaviləyə görə avrokuboklar çərçivəsində bütün yarışlardan kənarlaşdırıla bilər.
O vaxt “Elliott Management” “RedBird Capital Partners” ilə mülkiyyəti ötürmək üçün müqavilə bağlayıb. “Elliott Management” fondunun klub üzərində nəzarəti hələ də əlində saxladığı barədə məlumat təsdiqlənərsə, klub təkcə İtaliya A Seriyasından deyil, UEFA-nın himayəsi altında keçirilən bütün Avropa yarışlarından da kənarlaşdırılmaqla cəzalandırılacaq.
“Milan”ın rəhbərliyi İdman Ədaləti Məcəlləsinin rabitə sahəsində öhdəliklərə dair 32-ci maddəsinin 5-ci bəndini pozmaqda ittiham edilə bilər.
Hazırda “Milan” İtaliya A Seriyasının 28 turundan sonra 59 xalla yarış cədvəlinin 2-ci pilləsində qərarlaşıb. A Seriyasına 75 xalla “İnter” başçılıq edir.
