Futbol üzrə Argentina milli komandasının müdafiəçisi Fakundo Medina karyerasını Almaniya Bundesliqasında davam etdirəcək.
Arena.az xəbər verir ki, 27 yaşlı futbolçunun “Bayer”ə transferi rəsmən açıqlanıb.
Leverkuzen klubu argentinalı müdafiəçi ilə uzunmüddətli müqavilə imzalayıb. Yeni anlaşma 2031-ci il iyunun 30-dək qüvvədə olacaq. “Bayer” bu transfer üçün Marsel “Olimpik”inə 23 milyon avro ödəyib.
Medinanın əvvəlki klubu Fransanın “Olimpik” (Marsel) komandası olub. Argentinalı futbolçu ötən mövsüm bütün turnirlər üzrə 26 rəsmi matçda meydana çıxıb. O, bu qarşılaşmalarda bir məhsuldar ötürmə ilə yadda qalıb. Müdafiəçi eyni zamanda doqquz dəfə sarı vərəqə ilə cəzalandırılıb.
27 yaşlı oyunçunun transferi “Bayer”in müdafiə xəttini gücləndirmək istiqamətində atdığı addımlardan biri olub. Leverkuzen təmsilçisi ötən mövsüm Bundesliqada 59 xal toplayaraq turnir cədvəlini altıncı pillədə başa vurub.
Bu nəticə “Bayer”ə qarşıdakı mövsümdə avrokuboklarda iştirak etmək hüququ qazandırıb. Fakundo Medina isə yeni komandasında həm Bundesliqada, həm də Avropa arenasında çıxış etmək imkanı əldə edəcək.
