Futbol üzrə İngiltərə çempionatında (Premyer Liqa) 10-cu turun oyunları keçirilir. Arena.az xəbər verir ki, ikinci oyun günündə daha 4 qarşılaşma baş tutub.
“Kristal Pelas” “Lids”i, “Vest Hem” isə “Fulhem”i məğlub yola salıb. Mövsümə çox yaxşı başlamış “Arsenal” bu dəfə “Liverpul”la qarşılaşıb. “Topçular”dan fərqli olaraq, uğursuz mövsüm keçirən “qırmızılar” Londonda da məğlubiyyətlə üzləşiblər. Səfərdə “Everton”la qarşılaşan “Mançester Yunayted” isə bu turu qələbə ilə başa vurmağı bacarıb.
10-cu tura 10 oktyabrda baş tutacaq “Nottingem Forest” – “Aston Villa” matçı ilə yekun vurulacaq.
İngiltərə Premyer Liqası
10-cu tur
8 oktyabr
Bornmut – Lester Siti 2:1
Qol: Billinq, 67. Kristi, 71 – Daka, 10.
Çelsi – Vulverhempton 3:0
Qol: Haverts, 45+3. Pulişiç, 54. Broxa, 89.
Mançester Siti – Sauthempton 4:0
Qol: Kanselo, 20. Foden, 32. Mahrez, 49. Haland, 65.
Nyukasl – Brentford 5:1
Qol: Gimaraeş, 21; 56. Mörfi, 28. Almiron, 82. Pinnok, 90-öz qapısına – Toni, 54.
Brayton – Tottenhem 0:1
Qol: H.Keyn, 22.
9 oktyabr
Kristal Pelas – Lids 2:1
Qol: Eduard, 24. Eze, 76 – Streyk, 10.
Vest Hem – Fulhem 3:1
Qol: Bouen, 29. Skamakka, 62. M.Antonio, 90+1 – A.Pereyra, 5.
Arsenal – Liverpul 3:2
Qol: Martinelli, 1. Saka, 45+5; 76-pen – Nunes, 34. Firmino, 53.
Everton – Mançester Yunayted 1:2
Qol: İvobi, 5 – Antoni, 15. Ronaldo, 44.
10 oktyabr
23:00. Nottingem Forest – Aston Villa
