Futbol üzrə Almaniya çempionatında (Bundesliqa) 21-ci tura yekun vurulub. Arena.az xəbər verir ki, sonuncu oyun günündə daha üç qarşılaşma baş tutub.
“Union Berlin” – “Şalke” matçında qapılara qol vurulmayıb. Maraqlıdır ki, bu, “Şalke”nin ardıcıl dördüncü qolsuz heç-heçəsidir. Əvəzində beş qolun qeydə alındığı “Bayer” – “Maynts” matçında qonaqlar çətin qələbəyə seviniblər. Dortmund “Borussiya”sı da “Herta” ilə ev oyununda darmadağına imza atıb.
Beləliklə, 21 turdan sonra zirvəyə şərik olan “Bayern”, “Borussiya” (Dortmund) və “Union Berlin”in hesabında 43 xal var. Dördüncü pillədəki “Frayburq” 40 xal toplayıbsa, “Leypsiq” 39 xalla beşincidir. Frankfurt “Ayntraxt”ının 38, “Volfsburq”un 30, “Maynts”la Mönhenqladbax “Borussiya”sının 29, “Bayer”lə “Verder”in isə 27 xalı var.
Almaniya Bundesliqası
21-ci tur
17 fevral
Auqsburq – Hoffenhaym 1:0
Qol: Yensen, 88.
18 fevral
Borussiya (Mönhenqladbax) – Bayern 3:2
Qol: Ştindl, 13. Hofmann, 55. Turam, 84 – Şupo-Motinq, 35. Tel, 90+3.
Bohum – Frayburq 0:2
Qol: Qreqoriç, 39. Holer, 51.
Ştutqart – Köln 3:0
Qol: Dias, 9. Sosa, 59. Kulibali, 74.
Volfsburq – Leypsiq 0:3
Qol: Forsberq, 14. Laymer, 85. Soboslai, 90+2.
Ayntraxt – Verder 2:0
Qol: Fridl, 8-öz qapısına. Muani, 52.
19 fevral
Union Berlin – Şalke 0:0
Borussiya (Dortmund) – Herta 4:1
Qol: Adeyemi, 27. Malen, 32. Roys, 76. Brandt, 90 – Tuzar, 47.
Bayer – Maynts 2:3
Qol: Amiri, 32. Şik, 58 – Kasi, 26. Barreyro, 45+4. İnqvartsen, 82-pen.
