Futbol üzrə Almaniya çempionatında (Bundesliqa) 2022/2023 mövsümünün 30-cu turunun oyunları keçirilir. Arena.az xəbər verir ki, ikinci oyun günündə daha altı qarşılaşma baş tutub.
“Union Berlin” – “Bayer” matçında qapılara qol vurulmayıb. “Ayntraxt”la “Auqsburq” arasındakı görüşdə də qalib müəyyənləşməyib.
“Köln” doğma meydanda “Frayburq”a minimal hesabla məğlub olub. “Leypsiq” “Hoffenhaym”ı, “Ştutqart” Mönhenqladbax “Borussiya”sını, “Şalke” isə “Verder”i məğlub yola salıb.
30-cu tura sabah keçiriləcək iki oyunla yekun vurulacaq.
Almaniya Bundesliqası
30-cu tur
28 aprel
Bohum – Borussiya (Dortmund) 1:1
Qol: Losilla, 5 – Adeyemi, 7.
29 aprel
Ayntraxt – Auqsburq 1:1
Qol: Rexbeçay, 25-öz qapısına – Demiroviç, 58.
Köln – Frayburq 0:1
Qol: Doan, 54.
Leypsiq – Hoffenhaym 1:0
Qol: Nkunku, 28.
Ştutqart – Borussiya (Mönhenqladbax) 2:1
Qol: Jirassi, 22. Kulibali, 83-pen – Vayql, 78.
Union Berlin – Bayer 0:0
Şalke – Verder 2:1
Qol: Van den Berq, 81. Draksler, 90+2 – Dukş, 18.
30 aprel
17:30. Bayern – Herta
19:30. Volfsburq – Maynts
