Futbol üzrə AÇ-2024-ün seçmə məhələsi çərçivəsində keçiriləcək Azərbaycan – Belçika matçının biletləri satışa çıxarılıb.
Arena.az xəbər verir ki, bu barədə AFFA-nın rəsmi saytı məlumat yayıb.
Xəbərdə bildirilir ki, qiymətlər müvafiq olaraq 5, 10 və 50 manat təşkil edir.
Biletləri aşağıdakı ünvanlardan əldə etmək olar:
- ASAN 2 – 8 noyabr prospekti 23, AMAY TM 2-ci mərtəbə
- ASAN 3 – Abbas Mirzə Şərifzadə 157
- ASAN 4 – Bakıxanov qəs., Sülh küç. 197
- ASAN Sumqayıt – Sumqayıt şəhəri, Bakı küçəsi, 15-ci məhəllə 42d
- 28 Mall – 28 May küçəsi, 2-ci mərtəbə
- Gənclik Mall – Fətəli Xan Xoyski 38, 3-cü mərtəbə
- Köşk 1 – Sahil m. M.Rəsulzadə 3
- Köşk 2 – Bülbül prospekti, Nizami küç.
- Heydər Əliyev Sarayının kassası – Bülbül pr.35
Qeyd edək ki, sentyabrın 9-da “Dalğa Arena”da keçiriləcək Azərbaycan – Belçika matçına saat 17:00-da start veriləcək.
