Gürcüstan millisi Avropa çempionatının (AÇ-2024) qrup mərhələsində xG göstəricisinə görə, gözlənilən buraxılacaq qollar üzrə liderdir.
Arena.az bu barədə “Opta Sports” statistik internet-portalına istinadən məlumat verir.
Gürcüstan millisi xG göstəricisinə görə, gözlənilən buraxılacaq qollar üzrə 8,1 göstəricisinə rəğmən, qrup mərhələsini adlayaraq, ələmə mərhələsinə yüksəlməyi bacarıb.
Gürcüstan millisi Türkiyə (1:3), Çexiya (1:1) və Portuqaliya (2:0) komandaları ilə “F” qrupunda mübarizəni 4 xalla 3-cü pillədə başa vuraraq, ⅛ final mərhələsinə çıxıb.
AÇ-2024-də xG göstəricisinə görə, gözlənilən buraxılacaq qollar üzrə komandaların beşliyi:
- Gürcüstan – 8,1;
- Polşa – 5,9;
- Albaniya – 5,8;
- Avstriya – 5,5.
- Türkiyə – 4,8.
1/8 final mərhələsində Gürcüstan millisi İspaniya yığması ilə qarşılaşacaq. Oyun iyunun 30-da Bakı vaxtı ilə saat 23:00-da başlayaccaq.
Xatırladaq ki, iyunun 14-də başlamış qitə birinciliyi iyulun 14-də başa çatacaq.
