AFFA futbol üzrə Azərbaycan milli millisinin və Almanyanın “Kayzerslautern” klubunun hücumçusu Mahir Emreli ilə bağlı video hazırlayıb.
Arena.az xəbər verir ki, yığmanın hücumçusunun toplanışdakı bir günü haqqında hazırlanmış videomaterial AFFA-nın “Youtube” kanalında yayımlanıb.
Xatırladaq ki, Mahir Emreli 2025-ci ilin yayında “Kayzerslautern”lə 3 illik müqavilə bağlayıb. Azərbaycanlı futbolçu artıq geridə qalmış mövsümdə bu komandanın heyətində 13 oyuna çıxıb, 2 qola imza atıb.
Mahir daha öncə Almaniyanın digər klubu “Nürnberq”də də forma geyinib. Azərbaycanlı futbolçu sözügedən komandanın heyətində 25 rəsmi matça çıxıb, 11 qol vurub, 1 assistlə yadda qalıb.
“Bakı”nın yetirməsi olan Emreli karyerası ərzində “Qarabağ”, “Legiya” (Polşa), “Konyaspor” (Türkiyə) və “Dinamo” (Zaqreb, Xorvatiya) klublarında da forma geyinib. Hücumçu Azərbaycan milli komandasının heyətində meydana çıxdığı 60 oyunda 6 qol vurub, 3 məhsuldar ötürmə müəllifi olub.
