Bu gün futbol üzrə Azərbaycan Birinci Divizionunda 8-ci tura start verilib. Arena.az xəbər verir ki, ilk oyun günündə bir görüş baş tutub.
“Kəpəz” doğma meydanda “Turan Tovuz”la münasibətlərinə aydınlıq gətirib. Üç qolun qeydə alındığı qərb derbisində qələbəni Gəncə təmsilçisi bayram edib.
Turun qalan oyunları 17 və 18 noyabrda keçiriləcək. Sabah “Qəbələ-2” “Zaqatala”nı, “Qaradağ Lökbatan” MOİK-i, “Qarabağ-2” isə “Zirə”nin əvəzedicilərini qəbul edəcək. Sonuncu oyun günündə isə “Sumqayıt-2” – “Səbail-2” və “Neftçi-2” – “Keşlə-2” görüşləri baş tutacaq.
Birinci Divizion
8-ci tur
16 noyabr
“Kəpəz” – “Turan Tovuz” 2:1
Qol: Vüsal Məsimov, 35. Cavid İmamverdiyev, 76 – Sadiq Şəfiyev, 45.
Hakimlər: Fərid Hacıyev, Rəhman İmami, Qəzənfər Məmmədov, Tural Qurbanov.
Hakim-inspektor: Asim Xudiyev.
AFFA nümayəndəsi: Mübariz Hüseynov.
Gəncə şəhər stadionu, 14:00.
