Bu gün futbol üzrə UEFA Millətlər Liqasında qrup mərhələsinin 2-ci turuna start verilib. Arena.az xəbər verir ki, ilk oyun günündə A, B, C və D Liqaları çərçivəsində ümumilikdə 9 qarşılaşma baş tutub.
Günün ən maraqlı oyunlarından biri Portuqaliyada yerli komanda ilə İsveçrə yığması arasında keçirilib. Kristiano Ronaldonun dubla imza atdığı matçda komandası darmadağına sevinib. İspaniya millisi isə Çexiyanın qonağı olub. Dörd qolun qeydə alındığı bu matçda qalib müəyyənləşməyib və ispanlar yenə xal itkisi ilə üzləşiblər.
B Liqasında Serbiya doğma meydanda Sloveniyanı darmadağın edibsə, üç qolun qeydə alındığı İsveç – Norveç matçında qonaqlar qələbə qazanıblar.
C Liqasında Kiprlə Şimali İrlandiya yığmalarının oyununda qapılara qol vurulmayıb. Səfərdə Kosovo ilə qarşılaşan Yunanıstan tək qolla 3 xal qazanıb. Şimali Makedoniya səfərdə Cəbəllütariqi, qonşu Gürcüstan yığması isə Bolqarıstanı məğlub edib. D Liqasındakı yeganə matçda da Malta səfərdə San Marinodan güclü olub.
UEFA Millətlər Liqasında qrup mərhələsinin 2-ci turuna iyunun 8-də yekun vurulacaq. Azərbaycan millisi növbəti matçını iyunun 6-da Belarusa qarşı keçirəcək.
UEFA Millətlər Liqası
Qrup mərhələsi, 2–ci tur
5 iyun
A Liqası, 2-ci qrup
Portuqaliya – İsveçrə 4:0
Qol: Karvalyo, 15. Ronaldo, 35; 39. Kanselo, 68.
Çexiya – İspaniya 2:2
Qol: Pesek, 4. Kuxta, 66 – Qavi, 45+3. Martines, 90.
Xal durumu: Çexiya – 4, Portuqaliya – 4, İspaniya – 2, İsveçrə – 0.
B Liqası, 4-cü qrup
Serbiya – Sloveniya 4:1
Qol: Mitroviç, 24. Milinkoviç-Saviç, 56. Yoviç, 85. Radonyiç, 90+2 – Stoyanoviç, 30.
İsveç – Norveç 1:2
Qol: Elanqa, 90+2 – Haland, 20; 69.
Xal durumu: Norveç – 6, İsveç – 3, Serbiya – 3, Sloveniya – 0.
C Liqası, 2-ci qrup
Kipr – Şimali İrlandiya 0:0
Kosovo – Yunanıstan 0:1
Qol: Bakasetas, 36.
Xal durumu: Yunanıstan – 6, Kosovo – 3, Şimali İrlandiya – 1, Kipr – 1
C Liqası, 4-cü qrup
Cəbəllütariq – Şimali Makedoniya 0:2
Qol: Bardi, 21. Babunski, 84.
Bolqarıstan – Gürcüstan 2:5
Qol: İliyev, 50. Stefanov, 83 – Davitaşvili, 4. Hristov, 31-öz qapısına. Zivzivadze, 52. Kvaratsxeliya, 58. Vako, 70.
Xal durumu: Gürcüstan – 6, Şimali Makedoniya – 4, Bolqarıstan – 1, Cəbəllütariq – 0.
D Liqası, 2-ci qrup
San Marino – Malta 0:2
Qol: Busuttil, 59. Gilyomye, 75.
Xal durumu: Estoniya – 3, Malta – 3, San Marino – 0
