Qazaxıstanın paytaxtı Astana şəhərində təşkil olunmuş boks üzrə “Elorda Cup” beynəlxalq turnirinə yekun vurulub.
Arena.az xəbər verir ki, boks üzrə Azərbaycan millisinin üzvləri də bu yarışda qüvvələrini sınayıblar.
Yığmamız yarışı 2 medalla başa vurub. Murad Allahverdiyev (86 kq) finala kimi irəliləyib. Lakin həlledici görüşdə məğlub olan Paris-2024 Yay Olimpiya Oyunlarının lisenziyaçısı gümüş medalla kifayətlənib.
Digər olimpiyaçımız Məhəmməd Abdullayev (+92 kq) də “Elorda Cup”da mükafatçılar sırasında yer alıb. O, turniri bürünc medalla bitirib.
Xatırladaq ki, milli komandamız Astanaya bütövlükdə 6 boksçu ilə yollanmışdı. Digər boksçularımızdan Nicat Hüseynov (54 kq), Kamil Babayev (57 kq), Ramazan Abdullayev (63,5 kq) və Rasim Çobanlı (75 kq) medalsız qalıblar.
