Ukrayna yığmasının baş məşqçisi Sergey Rebrov AÇ-2024-ün qrup mərhələsinin 1-ci turunda Rumıniya yığması ilə oyunu (0:3) şərh edib.
Arena.az ua.tribuna.com saytına istinadən, ukraynalı mütəxəssisin bu barədə fikirlərini təqdim edir:
“Düşünürəm ki, bu, hamı üçün gözlənilməz oldu. Bu, Avropa çempionatıdır. Mən həmişə deyirəm: Avropa çempionatında nəyəsə nail olmaq istəyiriksə, hər bir oyunçu ən mütləqini göstərməlidir. Təəssüf ki, belə olmadı, amma bu, ilk oyundur. Növbəti oyunda daha ciddi və hərtərəfli hazırlaşacağıq.
Düşünmürəm ki, qol vurmaq istəmirdik. Qol buraxmazdan əvvəl ilk dəqiqələrdə oyuna nəzarət edirdik. Amma bizim yol verdiyimiz səhvlərimiz var və bu, Rumıniya ilə bağlı oldu. Düşünürəm ki, hücumda kifayət qədər aqressiv olmadıq və imkan yaratmadıq”, deyə Rebrov bildirib.
1-ci turdan sonra Rumıniya və Slovakiya yığmaları “E” qrupunda hər biri 3 xalla müvafiq olaraq 1-ci və 2-ci yerləri bölüşürlər. Belçika və Ukrayna yığmaları xalsızdırlar və müvafiq olaraq 3-cü və 4-cü yerlərdə qərarlaşıblar.
