17 yaşadək futbolçulardan ibarət Azərbaycan millisi (U-17) bu gün Avropa çempionatının (AÇ-2024) seçmə mərhələsində sonuncu oyununa çıxacaq.
Arena.az xəbər verir ki, U-17 yığmamızın yer aldığı 4-cü qrupun oyunları Serbiyada keçirilir.
Füzuli Məmmədovun rəhbərlik etdiyi komandamız Serbiyadakı son sınağında Lüksemburq yığması ilə qarşılaşacaq.
Xatırladaq ki, Azərbaycan millisi ilk sınağında meydan sahibi Serbiya yığması ilə qarşılaşmış və 1:5 hesabıyla uduzmuşdu. Sloveniya ilə ikinci oyun da komandamızın 0:3 hesablı məğlubiyyəti ilə başa çatmışdı. İndi 17 yaşlı futbolçularımız uğursuz gedişata Lüksemburqla oyunda son qoymağa çalışacaqlar. Hansı ki, bu komanda ilk turda Sloveniya ilə heç-heçə edib (1:1), 2-ci turda isə Serbiyaya 0:3 hesabıyla uduzub.
Qrupun digər oyununda bu gün Serbiya və Sloveniya yığmaları üz-üzə gələcəklər.
AÇ-2024-ün seçmə mərhələsi
4-cü qrup
27 oktyabr
Azərbaycan – Lüksemburq
Baş hakim: Joni Hyuytia (Finlandiya).
Baş hakimin köməkçiləri: Yuuso Mantere (Finlandiya), Boşko Bozoviç (Serbiya).
Dördüncü hakim: Andriya Stoyanovic (Serbiya).
Belqrad. Saat 16:00.
