Qətərin 5 şəhərinin 9 stadionunda 24 komandanın iştirakı ilə təşkil edilmiş futbol üzrə sayca 18-ci Asiya Kuboku davam edir.
Arena.az məlumat verir ki, bu gün 1/8 final mərhələsinin növbəti oyunları keçirilib.
Günün ilk oyunu İraq və İordaniya yığmaları arasında baş tutub. Gərgin və dramatik məcrada keçən bu qarşılaşmanın yekununda qələbəni İordaniya yığması bayram edib.
Son olaraq Asiya Kubokuna ev sahibliyi edən Qətər yığması Fələstinlə münasibətlərinə aydınlıq gətirib. Üç qolun qeydə alındığı bu oyunda da qətərlilər sevinən tərəf olublar.
Daha öncə Avstraliya və Tacikistan yığmaları da 1/4 finala vəsiqə qazanmışdılar.
Xatırladaq ki, yanvarın 12-də başlamış Asiya Kubokunun 2023-cü il mövsümünə fevralın 10-da yekun vurulacaq.
Asiya Kuboku 2023
1/8 final
28 yanvar
Avstraliya – İndoneziya 4:0
Qollar: Baqqott, 12-öz qapısına. Boyle, 45. Qudvin, 89. Souttar, 90+1.
Tacikistan – BƏƏ 1:1 (penaltilər – 5:3)
Qollar: Xanonov, 30 – Əl-Hammadi, 90+5.
29 yanvar
İraq – İordaniya 2:3
Qollar: S.Natiq, 68. A.Hüsseyn, 76 – Əl-Naimat, 45+1. Əl-Ərəb, 90+5. Əl-Rəşdan, 90+7.
Qətər – Fələstin 2:1
Qollar: Əl-Haydos, 45+6. Afif, 49-pen – Dabbaq, 37.
30 yanvar
15:30. Özbəkistan – Tailand
20:00. Səudiyyə Ərəbistanı – Cənubi Koreya
31 yanvar
15:30. Bəhreyn – Yaponiya
20:00. İran – Suriya
