Bu gün futbol üzrə Avropa Liqasında 2024/2025-ci illər mövsümünün 2-ci təsnifat mərhələsinin cavab oyunları keçiriləcək.
Arena.az xəbər verir ki, cavab oyunları çərçivəsində 9 qarşılaşma baş tutacaq.
Oyunların hamısı eyni günə təsadüf edəcək.
Qardaş Türkiyə təmsilçisi “Trabzonspor” “Rujomberok”la bu dəfə doğma meydanda üz-üzə gələcək. Slovakiyada baş tutan matçda qaradənizlilər 2:0 hesabı ilə qalib gəliblər.
Azərbaycan vitse-çempionu “Zirə”ni mübarizədən kənarlaşdırmış Moldova “Şerif”i isə bu raundda “Elfsborq”un qonağı olacaq.
Bu oyunlardan sonra Avropa Liqasında 3-cü təsnifat mərhələsinə vəsiqə qazanmış bütün komandaların adları bəlli olacaq.
Avropa Liqası
2-ci təsnifat mərhələsinin cavab oyunları
1 avqust
21:00. “Elfsborq” (İsveç) – “Şerif” (Moldova) (ilk oyun 1:0)
21:15. “Silkeborq” (Danimarka) – “Molde” (Norveç) (1:3)
21:30. “Makkabi” (Petah Tikva, İsrail) – “Braqa” (Portuqaliya) (0:2)
21:30. “Trabzonspor” (Türkiyə) – “Rujomberok” (Slovakiya) (2:0)
22:00. “Botev” (Bolqarıstan) – “Panatinaikos” (Yunanıstan) (1:2)
22:00. “Serkl Brügge” (Belçika) – “Kilmarnok” (Şotlandiya) (1:1)
22:00. “Riyeka” (Xorvatiya) – “Hunedoara” (Rumıniya) (0:0)
22:00. “Voyvodina” (Serbiya) – “Ayaks” (Niderland) (0:1)
22:30. “Rapid” (Vyana, Avstriya) – “Visla” (Krakov, Polşa) (2:1)
