Bu gün futbol üzrə Azərbaycan Kubokunda, Birinci Liqa, İkinci Liqa və Əvəzedicilər Liqasında oyunların keçirilməsi nəzərdə tutulub.
Arena.az xəbər verir ki, ölkə ərazisində bir neçə gündür davam edən qeyri-sabit hava şəraiti müəyyən problemlərin yaşanmasına yol açıb.
Bu barədə Peşəkar Futbol Liqasının rəsmi saytı məlumat yayıb. Xəbərdə bildirilir ki, PFL-in bayrağı altında keçirilən bütün yarışlarda ümumi vəziyyət nəzarət altındadır. Oyunların keçiriləcəyi stadionlar qardan təmizlənir, klublar qırmızı toplarla təmin olunur.
Hava şəraiti ilə əlaqədar Birinci Liqanın “Mingəçevir” – “Difai” oyunu hava şəraiti ilə əlaqədar təxirə salınıb. Peşəkar Futbol Liqasının qərarına əsasən, matç fevralın 28-də Yaşar Məmmədzadə adına Mingəçevir şəhər stadionunun ehtiyat meydançasında keçiriləcək. Qarşılaşmaya saat 14:00-da start veriləcək.
