AFFA Hakimlər Komitəsinin sədri Frank De Blekere “Turan Tovuz” – “Araz-Naxçıvan” matçındakı mübahisəli epizodu şərh edib.
Arena.az xatırladır ki, Azərbaycan Premyer Liqasının 7-ci turu çərçivəsində baş tutan bu oyunun əvvəlində qeydə alınmış mübahisəli epizodla bağlı müzakirələr səngimək bilmir.
Frank De Blekere Naxçıvan təmsilçisinin hücumçusu Ramon Maçadonun 13-cü dəqiqədə topa oynamaq istədiyini bildirib:
“Top havada olan zaman “Araz-Naxçıvan” komandasının 16 nömrəli oyunçusu Ramon Maçado topa oynamaq istəyir. O, ayağının ucu ilə “Turan Tovuz” komandasının 5 nömrəli futbolçusu Roderik Millerin baş nahiyəsinə zərbə endirir.
Hakim oyunçunun düşüncəsiz davranışına görə ona sarı vərəqə göstərir.
Təlimatlara əsasən, “Araz-Naxçıvan”ın oyunçusunun topa baxdığını və topa oynamaq istədiyini nəzərə alaraq, verilən sarı vərəqəni dəstəkləyirik.
Maçado ayağının ucu ilə (butsun altı ilə deyil) müdafiəçinin başına/üzünə aşağı intensivliklə və o qədər də güclü olmayan zərbə endirir.
Təhlükəli vəziyyət olsa da, “Araz-Naxçıvan”ın oyunçusunun etdiyi qəsdən təmas/qayda pozuntusu deyil”.
Qeyd edək ki, bu görüş “Araz-Naxçıvan”ın qələbəsi ilə bitib – 2:1. Roderik Miller aldığı zədəyə görə bu oyunu davam etdirə bilməyib.
“Turan Tovuz” – “Araz-Naxçıvan” matçının baş hakimi Elçin Məsiyev olub.
