Bu gün futbol üzrə UEFA Millətlər Liqasında 2024/2025-ci illər mövsümünün qrup mərhələsinin 3-cü turuna start verilib.
Arena.az xəbər verir ki, turun ilk günündə A, B, C və D Liqaları çərçivəsində 10 matç baş tutub.
Ümumilikdə 6 qrupda 1-ci dövrəyə yekun vurulub. Günün mərkəzi qarşılaşması A Liqasında İtaliya ilə Belçika yığmaları arasında baş tutub. Dörd qolun qeydə alındığı bu oyunda qalib müəyyənləşməyib. A Liqasındakı digər oyunda Fransa yığması səfərdə İsrail üzərində darmadağına sevinib.
B Liqasında mübarizə aparan İngiltərə yığması Yunanıstanla ev oyunundan məğlubiyyətlə ayrılıb. Avstriya və Norveç yığmaları isə ev oyunlarında darmadağına seviniblər.
UEFA Millətlər Liqasında qrup mərhələsinin ilk dövrəsinə oktyabrın 12-də yekun vurulacaq. Azərbaycan milli komandası bu turda Estoniya yığmasının qonağı olacaq. Estoniya – Azərbaycan qarşılaşması oktyabrın 11-də, Bakı vaxtı ilə saat 20:00-da “Lilleküla” stadionunda keçiriləcək.
UEFA Millətlər Liqası
Qrup mərhələsi, 3-cü tur
10 oktyabr
A Liqası, 2-ci qrup
İsrail – Fransa 1:4
Qollar: Qandelman, 24 – Kamavinqa, 7. Nkunku, 28. Genduzi, 87. Barkola, 89.
İtaliya – Belçika 2:2
Qollar: Kambyazo, 1. Reteqi, 24 – De Kuyper, 42. Trossard, 61.
Xallar: İtaliya – 7. Fransa – 6. Belçika – 4. İsrail – 0.
B Liqası, 2-ci qrup
Finlandiya – İrlandiya 1:2
Qollar: Pohyanpalo, 17 – Skales, 57. Bradi, 88.
İngiltərə – Yunanıstan 1:2
Qollar: Bellingem, 87 – Pavlidis, 49; 90+4.
Xallar: Yunanıstan – 9. İngiltərə – 6. İrlandiya – 3. Finlandiya – 0.
B Liqası, 3-cü qrup
Avstriya – Qazaxıstan 4:0
Qollar: Baumqartner, 10. Linhart, 53. Zabitser, 56. Zeydl, 79.
Norveç – Sloveniya 3:0
Qollar: Haland, 7; 62. Sörlot, 52.
Xallar: Norveç – 7. Avstriya – 4. Sloveniya – 4. Qazaxıstan – 1.
C Liqası, 4-cü qrup
Latviya – Şimali Makedoniya 0:3
Qollar: Atanasov, 35. Qamili, 70. Elmas, 90+3.
Farer adaları – Ermənistan 2:2
Qollar: Benyaminsen, 37. Byartalid, 85 – Zelarayan, 44. Manvelyan, 90+3.
Xallar: Şimali Makedoniya – 7. Ermənistan – 4. Latviya – 3. Farer adaları – 2.
D Liqası, 1-ci qrup
Cəbəllütariq – San Marino 1:0
Qol: Britto, 62.
Xallar: Cəbəllütariq – 4. San Marino – 3. Lixtenşteyn – 1.
D Liqası, 2-ci qrup
Moldova – Andorra 2:0
Qollar: İonita, 31. Kojokaru, 90+5.
Xallar: Moldova – 6. Malta – 3. Andorra – 0.
