Almaniya yığmasının baş məşqçisi Yulian Nagelsman Alman Futbol İttifaqı (DFB) ilə əmək müqaviləsinin uzadılması haqda sualı cavablayıb.
Arena.az alman mütəxəssisin bu barədə fikirlərini təqdim edir:
“Müdirlərim və agentlərimlə müzakirə etməli olacağım çoxlu xüsuslar var. Şərtlərdən razı olub-olmadığımı məsul şəxslər tezliklə biləcəklər. Amma bunun maliyyə tərəfi ilə heç bir əlaqəsi yoxdur”, deyə 36 yaşlı məşqçi vurğulayıb.
Xatırladaq ki, Yulian Nagelman Almaniya yığmasının sükanı arxasına 2023-cü ilin sentyabrında gətirilib. Alman mütəxəssisin bundestimlə cari müqaviləsi Almaniyanın ev sahibliyi edəcəyi qarşıdakı Avropa çempionatının sonuna qədər qüvvədədir (31 iyul).
Avropa çempionatı yayda, iyunun 14-dən iyulun 14-dək keçiriləcək.
