Azərbaycanı 2026/2027-ci illər mövsümündə avrokuboklarda təmsil edəcək “Qarabağ” və “Zirə” komandaları bu gün yoxlama oyunu keçiriblər.
Arena.az xəbər verir ki, sözügedən komandalar bu gün “Azərsun Arena”nın məşq meydançasında üz-üzə gəliblər.
Matç Ağdam təmsilçisin 4:3 hesablı qələbəsi ilə yekunlaşıb. “Köhlən atlar”ın heyətində Kamilo Duran, Bəhruz Qurbanlı, Leandro Andrade və Mehdi Mütəllimli fərqləniblər. Bakı klubunda isə Georgi Papunaşvili, Yeqor Boqomolski və Namiq Ələsgərov qol vurublar.
Xatırladaq ki, Ağdam klubu yeni mövsümdə Azərbaycanı Avropa Liqasında, “Zirə” isə Avropa Konfrasns Liqasında təmsil edəcək.
Yoxlama oyunu
20 iyun
Qarabağ – Zirə 4:3
Qollar: Kamilo Duran, Bəhruz Qurbanlı, Leandro Andrade, Mehdi Mütəllimli – Georgi Papunaşvili, Yeqor Boqomolski, Namiq Ələsgərov.
