AFFA-nın təşkilatçılığı ilə keçirilən futbol üzrə Region Liqasında 2023/2024 mövsümünün üçüncü yeri uğrunda oyun keçirilib.
Arena.az milli assosiasiyanın rəsmi saytına istinadən xəbər verir ki, bürünc medallar uğrunda oyunda “Göyəzən” və “Ümid” komandaları üz-üzə gəliblər.
“Bayıl Arena”da baş tutan görüşdə 7:2 hesablı qələbə qazanan “Ümid” kollektivi bürünc medallara sahib olub.
Medalları veteran futbolçu, milli komandanın skautu İlqar Qurbanov təqdim edib.
Qeyd edək ki, AFFA Region Liqasında final oyunu mayın 24-də Şamaxı şəhər stadionunda “Şimal” və “Hypers” kollektivləri arasında keçiriləcək.
