Türkiyədə təlim-məşq toplanışında olan 17 yaşadək futbolçulardan ibarət Azərbaycan millisi (U-17) bu gün ilk yoxlama matçına çıxıb.
Arena.az xəbər verir ki, U-17 İstanbul şəhərində təşkil olunmuş hazırlıq çərçivəsində Türkiyənin müvafiq yaş qrupundan ibarət komandası ilə qarşılaşıb.
“Darıca” stadionunda baş tutan matç meydan sahiblərinin 4:0 hesablı qələbəsi ilə yekunlaşıb.
Qeyd edək ki, bu komandalar sentyabrın 12-də eyni stadionda daha bir yoxlama görüşündə üz-üzə gələcəklər.
17 yaşlılardan ibarət Azərbaycan millisinin baş məşqçisi İlham Yadullayev bu toplanış və yoxlama oyunları üçün heyətə 22 futbolçu cəlb edib:
- Məhdi Həsənov – Neftçi
- Rauf Əyyubov – Sabah
- Həzrət Səmədov – Sabah
- Elşən Atakişiyev – Neftçi
- Fərid Cabbarlı – Zirə
- Əlibəy Mahmudov – Sabah
- Tunar Muradov – Sabah
- Kamil Məmmədov – Neftçi
- Rəvan Teymurov – Qarabağ
- Zeyd Nəsirulla – Herta (Zehlendorf, Almaniya)
- Murad Qurbanov – Zirə
- İbrahim Xəlilov – Sabah
- Elvin Vəliyev – Neftçi
- Vusal Kərimov – Neftçi
- Nihad İsaqov – Kəpəz
- Əli Qazibəyov – Qarabağ
- Abdulaziz Cabbarlı – Qarabağ
- İbrahim Babayev – Servett 1890 (İsveçrə)
- Nihat İsgəndərov – Qarabağ
- İslam Həsənov – Srvena Zvezda (Serbiya)
- Əli İbrahim – Qarabağ
- Elnur Abdullayev – Neftçi
