“Mançester Siti”nin baş məşqçisi, ispan mütəxəssis Xosep Qvardiola “şəhərlilər”in hal-hazırda əsas fəsadı haqda söhbət açıb.
Arena.az “Sporting News” dərgisinə istinadən, Qvardiolanın bu barədə fikrini təqdim edir:
“Bizi xilas edəcək xüsus – oyun tərzimizdir! Biz gərək olduğu kimi çıxış etmirik – daha sadə davranmalıyıq. Bu səkkiz-doqquz ildə gücümüz topa nəzarət etməkdədir, topa sahib olmadığımız zaman çarəsiz bir komanda kimi qaçırıq, topla isə inanılmaz dərəcədə səbrli olmalı, rəqibin təkrar-təkrar qaçmasına imkan verməliyik…
İndi biz çox tez hücum edirik və çox xüsusu xətalı tezlikdə icra edirik, topu itiririk və çoxlu sürətli əks-hücumlara icazə veririk, hər bir rəqibə bizdən daha yaxşı oynamağa imkan yaradırıq! Biz oyunu yenidən sadələşdirməliyik və onada inam geri qayıdacaq. Min və ya milyon ötürülmə etdiyimiz zaman bu, bizə kim olduğumuza kömək edəcək!”, deyə “Pep” vurğulayıb.
Xosep Qvardiola 2016-cı ilin iyul ayından “Mançester Siti”ni çalışdırır. İspan mütəxəssisin “Mançester Siti” ilə müqaviləsinin müddəti 2027-ci ilin iyun ayının sonuna qədər qüvvədədir.
“Şəhərlilər” bu müddətdə “Pep”in rəhbərliyi altında 495 oyun keçiriblər, 361 qələbə qazanıblar, 62 heç-heçə ediblər, 72 məğlubiyyətə üzülüblər. Top fərqi isə 1247:457 nisbətindədir.
Bu müddətdə “Pep” “Mançester Siti”nin futbol tarixinin ən şanlı salnaməsini yaradıb. Qvardiola “şəhərlilər”ə 6 dəfə İngiltərə Premyer Liqasını, 2 dəfə İngiltərə Kubokunu, 4 dəfə İngiltərə Liqa Kubokunu, 3 dəfə İngiltərə Super Kubokunu, UEFA Çempionlar Liqasını, UEFA Super Kubokunu və FIFA Klub Dünya Kubokunu qazandırıb.
Xatırladaq ki, Xosep Qvardiola “Mançester Siti”dən öncə “Barselona” və “Bayern”i də uğurla çalışdırıb, bu komandaların hər birinə çoxlu qənimətlər qazandırıb.
15 turdan sonra 27 xal toplamış “Mançester Siti” İngiltərə Premyer Liqasının yarış cədəvlində 4-cü sırada qərarlaşıb.
