“Mançester Yunayted”in baş məşqçisi Erik ten Haq İngiltərə Premyer Liqasının 17-ci turunda “Liverpul”la heç-heçəni (0:0) şərh edib.
Arena.az BBC-yə istinadən, Ten Haqın bu barədə fikirlərini təqdim edir:
“Bir çox müsbət cəhətlər vardı, bu, şübhəsizdir. Düşünürəm ki, oyun bizim tərəfimizdən çox yaxşı keçdi. Oyun planı yaxşı işlədi, oyunçular bir-birinə arxalanaraq, mübarizə aparmaqda əla idilər.
Şikayət edə biləcəyim tək şey topa sahib olmaqdır, onlara daha çox ziyan vura bilərdik. Ancaq yeganə şey budur. Böyük imkanlardan birini gerçəkləşdirə bilsəydik, oyunu qazana bilərdik.
“Liverpul” çox yaxşı komandadır, çox yaxşı hücum edən, çox hərəkət edən komandadır. Çox nizam-intizamla müdafiə olunmalısan və bu, onların komandasına böyük bir iltifatdır ki, onlar bunu bacarırdılar – ruh, ehtiras və istək, hamısı orada idi.
Bizim yaxşı komandamız, yaxşı hücum edən komandamız var və biz bu mövsüm nəsə edə bilərik”, deyə holland mütəxəssis bildirib.
Heç-heçə nəticəsində “Liverpul” 2 vacib xal itirib və 17 turdan sonra 38 xalla ikinci pilləyə düşüb. “Mançester Yunayted” 28 xalla 7-cidir. İngiltərə çempionatına 39 xalla “Arsenal” başçılıq edir.
