“Arsenal”ın baş məşqçisi Mikel Arteta komandanın futbolçularına ailələrini Dubaydakı təlim-məşq toplanışına aparmağa icazə verib.
Arena.az bu barədə “Daily Mail” nəşrinə istinadən məlumat verir.
Mənbənin məlumatına görə, ispan mütəxəssis müvafiq qərarın klubdakı ab-havanı yaxşılaşdıracağına, həm də komandanın böhrandan çıxış yolu tapmasına kömək edəcəyinə ümid edir.
Xatırladaq ki, “Arsenal” yanvarın 7-də İngiltərə Kubokunda evdə “Liverpul”a 0:2 hesabı ilə məğlub olaraq yarışdan kənarda qalıb. “Topçular” həmçinin “Vest Hem”ə 1:3 hesabı ilə məğlub olaraq, Liqa Kubokundan kənarda qalıblar.
İngiltərə Premyer Liqasında isə keçirdiyi 20 oyundan sonra “Arsenal” 40 xalla 4-cü yerdədir. Çempionatın lideri isə 45 xalla “Liverpul”dur.
Çempionlar Liqasına gəlincə, Artetanın yetirmələrini mötəbər yarışın 1/8 final mərhələsi çərçivəsində “Portu” ilə bir cüt oyun gözləyir.
