“Mançester Siti”nin baş məşqçisi Xosep Qvardiola komandasının İngiltərə Kubokunda “Tottenhem” üzərində qələbəsini (1:0) şərh edib.
Arena.az BBC-yə istinadən, ispan mütəxəssisin bu barədə fikirlərini təqdim edir:
“Oyun tərzimizdən çox razıyam. Bu gün çox yaxşı çıxış etdik. 1-ci dəqiqədən 95-ci dəqiqəyə qədər hər şeydən razı qaldım. Biz adı qorumağa çalışırıq, “Tottenhem”lə səfərdə oynamaq çox çətindir.
“Siti” hər oyunda çox şey yaradır və topla və topsuz cəsarətlidir, buna görə də çox məmnunam. Akenin qolu? O, bizim hücum ölçülərimizə görə çox sürətlidir. Bu, onun ən yaxşı bacarıqlarından biridir”, deyə Qvardiola fikrini razılıqla tamamlayıb.
Xatırladaq ki, İngiltərə Kubokunun 1/16 final mərhələsində “Tottenhem Hotspur” stadionunda keçirilmiş “Tottenhem” – “Mançester Siti” oyunu “şəhərlilər”in “mahmızlar”ın üzərində 1:0 hesablı qələbəsi ilə başa çatıb. Yeganə qolu oyunun 88-ci dəqiqəsində holland mərkəz müdafiəçisi Natan Ake vurub.
