“Arsenal”ın baş məşqçisi Mikel Arteta “topçular”ın “Liverpul”la Premyer Liqanın 23-cü turunun qarşıdakı oyunu haqda fikirlərini paylaşıb.
Arena.az xatırladır ki, turun mərkəzi görüşü kimi əlamətdar olan bu oyun bu gün, fevralın 4-də, Bakı vaxtı ilə saat 20:30-da başlayacaq.
“Bu oyunda etməli olduğumuz, onlara qarşı son iki oyunda oynadığımız kimi oynamaqdır. Oyunun nəticəsini həll edəcək sahələrdə də təsirli olmalıyıq. Mən çox həyəcanlıyam. “Liverpul”la oyuna hazırlaşmaq həmişə maraqlıdır. Onlar çox yaxşıdırlar, oyunun bütün baxışlarında üstünlük təşkil edirlər. Bununla belə, biz evdə oynayırıq və hiss edirəm ki, burada nikbinlik və ruh yüksəkliyi var”, – “Arsenal”ın rəsmi saytı ispan mütəxəssisdən sitat gətirir.
Hazırda Mikel Artetanın başında dayandığı “topçular” Premyer Liqanın 22 turundan 46 xalla turnir cədvəlinin 3-cü pilləsində qərarlaşıblar. Premyer Liqaya 51 xalla “Liverpul” başçılıq edir.
