“Napoli”nin prezidenti Aurelio De Laurentis müasir futbolun vəziyyətindən danışaraq, iqtisadi mənzərənin heç də xoş olmadığını bildirib.
Arena.az jurnalist Nikolo Skiraya istinadən, De Laurentisin bu barədə fikirlərini təqdim edir:
“Futbol xəstədir. Bəs niyə xəstədir? Çünki futbolun iqtisadiyyatı xəstədir. Çünki liqalar və komandalar bir-biri ilə maddi cəhətdən rəqabət apara bilmirlər. Deməli, liqalar kifayət qədər məhsuldar deyillər.
Hər dəfə UEFA deyir: “Yaxşı, indi Çempionlar Liqası üçün 2,4 milyard avro, Avropa Liqası üçün 500 milyon avro və Konfrans Liqası üçün 238 milyon avrodan çox pul ayırırıq”. Amma bütün komandalar hələ də borclar içindədirlərsə, bu, o deməkdir ki, bu məbləğ kifayət deyil.
Yəni bu, dayanıqsız futboldur. Bu, nəinki davamlı deyil, həm də çoxlu oyunlar oynayırıq. Nəhayət, biz (futbol klubları – redaktorun qeydi) artıq tamaşaçı cəlb etmirik”, deyə “Napoli”nin prezidenti fikirlərini əsaslandırıb.
De Laurentis hücumçu Viktor Osimhenin mümkün satışına da toxunub. O, Osimhenin satılması seçiminin çox yüksək olduğunuda bildirib:
“Bəzi oyunçular uzun illər qalır, digərləri isə PSJ, “Arsenal”, “Mançester Siti”, “Çelsi” tərəfindən tələb edilir. Zəngin klubların ehtiyacı olan oyunçuları saxlamaq çətindir. Mən təsdiq edə bilərəm ki, Osimhenin fidyə qiymətində çox yüksək bir şərt var”, De Laurentis bildirib.
“Napoli”nin rəhbəri norveçli hücumçu Erlinq Halandın vaxtilə Neapol klubuna keçidinin niyə baş tutmadığını da açıqlayıb:
“Zalsburq”dan Erlinq Halandı 50 milyon avroya transfer etmək ərəfəsində idim. Rəsmi təklif hazır idi, amma Mino Rayola mənə dedi: “Xahiş edirəm, Erlinqlə müqavilə imzalamağa çalışmayın, çünki mən onun növbəti addımını artıq razılaşdırmışam”.
Xatırladaq ki, Haland hazırda “Mançester Siti”də uğurla çıxış edir.
