“Arsenal”ın baş məşqçisi Mikel Arteta UEFA Çempionlar Liqasının 1/4 finalında “Bayern”lə ilk oyundan gözləntilərini paylaşıb.
Arena.az UEFA-nın rəsmi saytına istinadən, ispaniyalı mütəxəssisin bu barədə fikirlərini təqdim edir:
“Bizim qarşımızda UEFA Çempionlar Liqası tarixinin ən uğurlu klublarından birinə qarşı oynamaq kimi çətin bir iş var. Biz bunu səbirsizliklə gözləyirik.
“Bayern” yüksək səviyyəli komandadır. Mən Tomas Tuxelin və onun komandalarını qurma tərzinin böyük pərəstişkarıyam. Ondan çox şey öyrəndim.
“Bayern”i ətraflı təhlil etsəniz, bunun güclü komanda olduğunu başa düşərsiniz. Yaxşı hazırlaşmalı və oyunu istədiyimiz kimi oynamalıyıq. Bunu etsək, qalib gəlmək imkanımız olacaq. Keçmişdə “Bayern”ə məğlubiyyətlərə gəlincə, bu, tarixdir. Daha yaxşı olduğumuzu sübut etməliyik. Bu, bir çağırışdır və biz onun bir hissəsi olmaqdan çox şadıq”, deyə Arteta bildirib.
“Arsenal” və “Bayern” arasında Çempionlar Liqasının 1/4 final mərhələsinin ilk oyunu aprelin 9-da Londonda baş tutacaq. Cavab oyunu isə aprelin 17-də Münhendə keçiriləcək.
