“Real”ın baş məşqçisi, italyan mütəxəssis Karlo Ançelotti Çempionlar Liqasının final oyunu üçün heyət seçimini şərh edib.
Arena.az “Maca” nəşrinə istinadən, italyan mütəxəssisin bu barədə fikirlərini təqdim edir:
“Bu barədə düşünmək üçün bir həftəm var, açıq-aydın bəzi şübhələrimiz var. Cümə gününə qədər bu andan, finaldan həzz almaq fikrindəyik. Buna mümkün qədər hazırlaşacağıq və Şənbə günü keçiriləcək oyunda qalib gəlməyə çalışacağıq.
Başlanmış debatı bəyənirəm və biz bunu Şənbə gününə qədər davam etdirəcəyik. Bu, mənim çox xoşuma gəlir”, deyə Ançelotti bildirib.
Daha əvvəl, “qaymaqlılar”ın fransalı dayaq yarımmüdafiəçisi Orelyen Tçuameninin aldığı zədə səbəbilə final oyununda oynamayacağı məlum olub.
Xatırladaq ki, Çempionlar Liqasının final oyununda “Real” iyunun 1-də Londonun “Uembli” stadionunda Dortmund “Borussiya”sı ilə qarşılaşacaq. Oyun bakı vaxtı ilə saat 23:00-da başlayacaq.
