“Arsenal”ın baş məşqçisi, ispan mütəxəssis Mikel Arteta “topçular”ın UEFA Çempionlar Liqasının cari mövsümündəki ilk oyununu şərh edib.
Arena.az xatırladır ki, İngiltərə klubu UEFA Çempionlar Liqasının əsas mərhələsinin 1-ci turu çərçivəsində “Atalanta” (İtaliya) səfərindən qolsuz heç-heçə ilə qayıdıb – 0:0.
“Əgər sən qələbə qazana bilmirsənsə, o zaman bir xalı alıb-götürməlisən. Biz yaxşı başladıq, amma sonra oyuna nəzarəti itirdik və çox qeyri-sabit olduq. Oyun açıq surətdə keçdi, penaltini hesaba almasaq, müdafiədə ziyan görmədik. David Rayya həyatımda gördüyüm ən yaxşı qurtarışlarından birini etdi”, – Arteta matçdan sonrakı mətbuat konfransında bildirib.
1-ci turdan sonra hərəyə 1 xal qazanmış “Atalanta” və “Arsenal” ÇL-in Liqa mərhələsinin yarış cədvəlində müvafiq olaraq 17-ci və 20-ci yerlərdə qərarlaşıblar.
