Madrid “Atletiko”sunun azarkeşləri İspaniya klubunun embleminin dəyişdirilməsi məsələsinə səs veriblər.
Arena.az bu barədə Madrid təmsilçisinin rəsmi saytına istinadən xəbər verir.
Xatırladaq ki, “Atletiko” emblemini 2017-ci ildə dəyişib. O vaxtdan bəri bir çox azarkeş köhnə emblemin qaytarılması istəyindədir.
Səsvermədə klubun 77690 üzvü iştirak edib ki, bu da ümumi klub üzvlərin 56 %-ni təşkil edir. Səsvermə iştirakçılarının 89 %-i köhnə emblemin lehinə səs veriblər.
Dəyişdirilmiş loqotip 2024-cü ildə formalarda, stadionda, sosial mediada və mətbuatda əksini tapacaq.
Emblemin dəyişdirilməsi prosesinin genişmiqyaslı və bahalı olduğu xüsusilə vurğulanır.
