Futbol üzrə Azərbaycan millisinin yarımmüdafiəçisi Coşqun Diniyev Türkiyənin “Ümraniyəspor” komandasının heyətində növbəti matçına çıxıb.
Arena.az xəbər verir ki, o, TFF 1-ci Liqanın 2023/2024 mövsümünün 3-cü turu çərçivəsində baş tutan “Sakaryaspor”la oyunun iştirakçısı olub.
“Ümraniyəspor” səfər qarşılaşmasından heç-heçə ilə ayrılıb – 1:1.
Coşqun bu oyuna start heyətində başlayıb və sonadək oynayıb.
Xatırladaq ki, Coşqun Diniyev “Ümraniyəspor”la bu ilin iyul ayında 1+1 illik müqavilə bağlayıb. 27 yaşlı futbolçu sözügedən komandanın heyətində indiyə qədər 3 oyuna çıxıb.
