Futbol üzrə İngiltərə Federasiya Kubokunda 1/8 final mərhələsinin oyunları keçirilir. Arena.az xəbər verir ki, bu gün daha bir qarşılaşma baş tutub.
“Everton” doğma meydanda aşağı liqa təmsilçisi “Borem Vud”la qarşılaşıb. Premyer Liqa klubu bu görüşdə inamlı qələbə qazanaraq növbəti mərhələyə yüksəlib.
Daha öncə “Mançester Siti”, “Kristal Pelas”, “Midlsbro”, “Çelsi”, “Sauthempton” və “Liverpul” da 1/4 finala vəsiqə qazanmışdı.
Federasiya Kubokunda sonuncu 1/4 finalçıların adına bu gün aydınlıq gələcək.
İngiltərə Federasiya Kuboku
1/8 final
1 mart
Peterboro – Mançester Siti 0:2
Qol: Mahrez, 60. Qriliş, 67.
Kristal Pelas – Stok Siti 2:1
Qol: Koyate, 53. Ridevald, 82 – Taymon, 58.
Midlsbro – Tottenhem 1:0
Qol: Kobern, 107.
2 mart
Luton – Çelsi 2:3
Qol: Burke, 2. Kornik, 40 – Niges, 27. Verner, 68. Lukaku, 78.
Sauthempton – Vest Hem 3:1
Qol: Perro, 31. Uord-Prouz, 69-pen. Broxa, 90+5 – M.Antonio, 60.
Liverpul – Norviç Siti 2:1
Qol: Minamino, 27; 39 – Rupp, 78.
3 mart
Everton – Borem Vud 2:0
Qol: Rondon, 57; 84.
7 mart
23:30. Nottingem – Haddersfild
