İngiltərə Premyer Liqasının 26-cı turu çərçivəsində baş tutan “Luton Taun”la ev oyunu “Liverpul” üçün əlamətdar olub.
Arena.az “Opta Sport” statistik internet-portalına istinadən məlumat verir ki, indi “qırmızılar” Avropanın “Böyük beşlik” liqaları arasında 5 futbolçusu bütün yarışlarda 10 və daha çox qol vurmuş ilk komandadırlar.
“Luton Taun”la oyunda qol vurmuş Luis Dias cari mövsümdə İngiltərə klubunun 10 qol həddinə çatmış 5-ci futbolçusu olub. Diasdan əvvəl buna Məhəmməd Salah (19 qol), Dioqo Jota (14), Darvin Nunyes (13) və Kodi Qakpo (11) nail olub.
26 turdan sonra “Liverpul” 60 xalla Premyer Liqanın turnir cədvəlinə vahid lider olaraq başçılıq edir.
