Futbol üzrə Türkiyə kubokunda ilk finalçı bəlli olub. Arena.az xəbər verir ki, “Kayserispor” bu gün yarımfinalın cavab oyunları çərçivəsində “Trabzonspor”u qəbul edib.
Səfərdə baş tutan ilk oyunda 0:1 hesabıyla uduzan Kayseri təmsilçisi cavab oyununda 4:2 hesablı qələbəyə sevinib. Beləcə, ümumi hesabda 4:3 hesabıyla üstün olan “Kayserispor” ilk finalçıya çevrilib.
Bu komandanın finaldakı rəqibi mayın 11-də keçiriləcək “Sivasspor” – “Alanyaspor” matçında müəyyənləşəcək. Sözügedən komandaların ilk matçında Sivas təmsilçisi 2:1 hesabıyla üstün olub.
Türkiyə kubokunda final matçı mayın 26-da keçiriləcək.
Türkiyə kuboku
Yarımfinalın cavab oyunu
10 may
Kayserispor – Trabzonspor 4:2
Qol: E.Başsan, 48; 90+6. Hosseini, 59. Tiam, 90+1-pen – Nvakaeme, 3-pen. Bakasetas, 82.
İlk oyun – 0:1.
11 may
21:30. Sivasspor – Alanyaspor
İlk oyun – 2:1.
