Bu gün futbol üzrə Almaniya çempionatında (Bundesliqa) 2023/2024 mövsümünün 29-cu turunun oyunlarına yekun vurulub.
Arena.az xəbər verir ki, sonuncu oyun günündə iki qarşılaşma baş tutub.
Səfərdə “Darmştadt”la qarşılaşan “Frayburq” minimal hesabla qalib gəlib.
Lider “Bayer” isə doğma meydanda “Verder”lə münasibətlərinə aydınlıq gətirib. Leverkuzen təmsilçisi rəqibini 5 cavabsız qolla məğlub edib. Bununla da “Bayer” mövsümün sonuna 5 tur qalmış çempionluğu təmin edib.
Qeyd edək ki, bu, “Bayer”in tarixində ilk Almaniya çempionluğudur. Bununla da Leverkuzen klubu Almaniya nəhəngi “Bayern”in seriyasına son qoyub. Bu komanda son 11 mövsümdə ardıcıl çempionluq sevinci yaşamışdı.
Hazırda “Bayer” 79 xalla zirvədə qərarlaşıbsa, əsas izləyiciləri olan “Bayern” və “Ştutqart”ın 63 xalı var. “Leypsiq” və Dortmund “Borussiya”sı 56, “Ayntraxt” 42, “Auqsburq” və “Frayburq” 39, “Hoffenhaym” 36 xal toplayıb.
Almaniya, Bundesliqa
29-cu tur
12 aprel
Auqsburq – Union Berlin 2:0
Qollar: Tiets, 47. Miçel, 81.
13 aprel
Borussiya (Mönhenqladbax) – Borussiya (Dortmund) 1:2
Qollar: Vöber, 36 – Zabitser, 22; 28-pen.
Bayern – Köln 2:0
Qollar: R.Gerrero, 65. Müller, 90+3.
Boxum – Haydenhaym 1:1
Qollar: Şlotterbek, 90 – Şlotterbek, 81-öz qapısına.
Maynts – Hoffenhaym 4:1
Qol: Burkardt, 47; 41. Qruda, 63. Onisivo, 88 – Kaderabek, 19.
Leypsiq – Volfsburq 3:0
Qollar: Olmo, 13. Şeşko, 68. Openda, 82.
Ştutqart – Ayntraxt 3:0
Qollar: Girassi, 11. Undav, 17. Levelinq, 37.
14 aprel
Darmştadt – Frayburq 0:1
Qol: Doan, 36.
Bayer – Verder 5:0
Qollar: Bonifase, 25-pen. Caka, 60. Virts, 68; 83; 90.
