“Latsio”nun baş məşqçisi Mauritsio Sarri İtaliya Super Kubokunun yarımfinalında “Latsio”nun “İnter” məğlubiyyətini (0:3) şərh edib.
Arena.az “Football Italia” dərgisinə istinadən, Sarrinin bu barədə fikirlərini təqdim edir:
“Aydındır ki, bizimlə onlar arasında böyük fərq var, bu, dörd-beş dəqiqədən sonra aydın oldu. Amma eyni zamanda, fərq bu oyunda göründüyü qədər böyük deyil. Onlara qalib gəlmələrinə nə dərəcədə kömək etdiyimizi qiymətləndirə bilmərik.
Belə məğlubiyyət məni qıcıqlandırır. Dünyanın ən yaxşı yarımmüdafiələrindən birinə malik yüksək keyfiyyətli komanda kimi özünü göstərən “İnter”ə uduzmaq məqbuldur, amma bu səmərəyə görə təqsirin çox böyük hissəsini öz üzərimizə götürməliyik”, deyə Sarri bildirib.
Xatırladaq ki, “İnter” İtaliya Super Kubokunun finalında “Napoli” ilə qarşılaşacaq. Final oyunu çərşənbə günü, yanvarın 24-də Səudiyyə Ərəbistanının paytaxtı Ər-Riyadda keçiriləcək.
